Fyrrverandi landsapotekarin er ákærdur

Ákæruvaldið hevur sent Føroya rætti málið um landsapotekaran.

Innlit fæst ikki í ákæruritið fyrr enn um eina viku.

Og fyrr enn tá vil ákæruvaldið ikki siga nakað um, hvat Hjalti Gunnarstein, fyrrverandi landsapotekari, er ákærdur fyri.

Tað var upprunaliga landslæknin, sum eftir eitt eftirlit bað Styrelsen for Patientsikkerhed meta málið. 

Meldaði

Styrelsen helt málið vera so álvarsamt, at tað meldaði málið til politiið. 

Lars Fodgaard Møller, landslækni, vil ikki siga meira um málið. 

Hjalti Gunnarstein kundi rokna við at verða burturvístur úr starvinum sum landsapotekari, tá hann 17. februar sjálvur segði seg úr starvi.

Tað vísir innlit, sum Kringvarpið hevur fingið.