KÍ koppaði øllum við tveimum málum í yvirtíðini

Alt bendi á, at HB aftur fór at vinna steypafinaluna á KÍ, men við tveimum málum í yvirtíðini vendu klaksvíkingar øllum og fóru avstað við gullinum

Sanna Svarvadal lyftir steypið upp um høvd, og KÍ kann fegnast um gullið

Mynd: Jóhanna Thomsen/FSF

Símun Christian Olsen

20.09.2026 - 14:11

Tá urið fór um 90 minuttir, bendi alt á, at HB aftur fór at vinna á KÍ finaluni um Løgmanssteypið.

Lea Lisberg og Julia Naomi Mortensen høvdu skorað báðu megin eitt KÍ-mál frá Biritu Mohr, og nú ráddi bara um hjá teimum reyðsvørtu at binda fyri.

KÍ hevði kortini aðrar ætlanir. Tá ein minuttur var farin av yvirtíðini, javnaði Birita Ryan fyri klaksvíkingarnar, og áðrenn HB hevði fótað sær aftur, avgjørdi altíð vandamikla Durita Hummeland fyri KÍ.

ki_mynd_2.jpg

Frítekst tagging:

Ítróttur

Fótbóltur

steypakappingin

finalan um løgmanssteypið

Steypafinalan

KÍ

Birita Mohr hevur javnað til 1-1 miðskeiðis í fyrra hálvleiki. Í yvirtíðini gjørdist Durita Hummeland stóra hetjan hjá KÍ. (Mynd: Jóhanna Thomsen)

Tær í bláum vóru sjálvsagt ovurfegnar, meðan vónbrotið í HB-leguni sjálvsagt var stórt. Tær høvdu mist á stokkinum, og KÍ hevði fingið søta hevnd fyri ósigurin á Tórsvølli í fjør.

Nú bendir alt á, at klaksvíkskvinnurnar fara avstað við greipuni í ár, tí í landskappingini veksur munurin niður til HB alsamt.