- Tíðindi, mentan og ítróttur
Teldusníkar lupu á Bakkafrost í átta tímar
Teldusníkar lupu á Bakkafrost í átta tímar
Hóast tiltøk vóru sett í verk alt fyri eitt, hava óviðkomandi fingið atgongd til ávísar brúkaraupplýsingar, sigur Regin Jacobsen, stjóri í Bakkafrosti
Arbeitt verður saman við uttanhýsis trygdarserfrøðingum at kanna og tryggja skipanirnar hjá Bakkafrosti. Tilburðurin er fráboðaður viðkomandi myndugleikum.
05.10.2026 - 09:55
Hósdagin í síðstu viku framdu teldusníkar álop á Bakkafrost.
KT-deildin og verjuskipanirnar varnaðust álopið og settu skjótt átøk í verk.
- Óviðkomandi hava fingið atgongd til ávísar brúkaraupplýsingar, sigur Regin Jacobsen, stjóri í Bakkafrosti.
Regin Jacobsen.
Arbeitt verður saman við uttanhýsis trygdarserfrøðingum at kanna og tryggja skipanirnar. Tilburðurin er fráboðaður viðkomandi myndugleikum.
Hendingin hevur við sær órógv í arbeiðsgongdum, serliga hjá Bakkafrosti í Skotlandi.
- Vit vóna, at alt kemur í rættlag um nakrar dagar. Trygdin hevur tó fremstu raðfesting, og kanningararbeiðið kann taka longri tíð.
Hoyr innslag í útvarpstíðindunum:
05102026_Regin_og_teldualop
Er kopiera
Nýggjastu sendingar í ÚV
Nýggjastu sendingar í SV
