1800 handtikin eftir ófrið í Fraklandi

Fólk hava gjørt herverk, eldur er settur á bygningar, handlar, kafe'ir og múrsteinar eru blakaðir eftir politinum. 

Handilsvindeygu vóru brotin, og fólk í hettum hava tikið nógv klæði og skógvar úr handlum, skriva fleiri miðlar.

Í býnum Limoges varð eldur settur á ráðhúsið, sum er frá 1883. Tað brann í grund.  

Løgreglan hevur svarað aftur við táragassi og annars roynt at spjaða gongurnar.

Stéphanie Surrugue, korspodentur hjá DR greiðir soleiðis frá.

800.000 fólk

Fronsku myndugleikarnri halda, at umleið 550.000 fólk vóru á gøtunum og mótmæltu.

Fyrireikararnir siga, at umleið 800.000 fólk mótmæltu.

Í París mótmæltu umleið 110.000 fólk.

500 løgreglufólk og sløkkiliðsfólk fingu skaða ísambandi við mótmælini í gjár.

Fleiri hundrað milliónir evrir

- Handlar eru oyðilagdir fyri eitt virði á fleiri hundrað milliónir evrir, sigur Alexander Bompard, sum er formaður í landsfelagnum fyri handlar og útbreiðslu.

Mótmælini byrjaðu sum ákoyringar av støðuni í skúlunum í Fraklandi. Síðani eru eisini onnur viðurskifti konin við, m.a. at tað er dýrt alt liga, og at almennu tilboðini versna.

Boyggja seg ikki 

Innanríkisráðharrin Laurent Nuñez skrivar á sosiala miðlinum X, at tað eru mótmælisfólk uttast á vistraveinginum  og kriminell, sum eru orsøk til harðskapin.

- Republikkin fer ikki at boyggja seg fyri teimum, sum brúka harðskap og royna at skapa óskil, skrivar hann. 

Forsetin talar til tjóðina

Í kvøld klokkan sjey, fer Emmanuel Macron, forseti í Fraklandi at tala til tjóðina,

Áðrenn tað skal forsetin hava kreppufund við fleiri ráðharrar í stjórnini.

Í gjár skrivaði hann á X, at fólkini, sum hava oyðilagt handlar og almennar bygningar verða rættarsøkt og revsað.

Steingið mørkini

Amerikanski forsetin Donald Trump úttalar seg nú eisini um ófriðin í Fraklandi.

- Tað er eldur í Fraklandi. Tilflytingin av fólkum úr einum heilt øðrum heimi, menniskju við hatri í hjartanum, hava oyðilagt eitt einaferð so stórt land, skrivar hann á Truth Sosial.

- Steingið mørkini og takið stýringin aftur, áðrenn tað er ov seint, skrivar Trump.