Ísrael ávarar um iransk álop á valdegnum

Tá ísraelar í morgin fara á val, er tað ikki óhugsandi, at Iran og tess sameindu fara at royna at órógva valið við álopum á Ísrael.

Tað sigur ísraelski forsætisráðharrin, Benjamin Netanyahu, í sjónbandsbroti.

- Latið vera við tí. Vit svara aftur, og tað verður nógv harðari, sigur Netanyahu.

Sambært Netanyahu er útsøgnin grundað á upplýsingar frá ísraelskari fregnartænastu.

Iran hevur ikki viðmerkt málið enn.