Philip Seymour Hoffman funnin deyður

Kendi amerikanski sjónleikarin Philip Seymour Hoffman er deyður. Tað skrivar Wall Street Journal í dag.

Hann bleiv einans 46 ár, og deyðsorsøkin er enn ókend. Hann varð í øllum førum funnin deyður í sínari íbúð í Manhattan í New York.

Politiið í New York er í gongd við at kanna deyðsorsøkina, og keldur frá TV2 vilja vera við, at hann varð funnin við einari kanylu í arminum, sum nokk merkir, at hann hevur fingið eina yvirdosis.

Hoffman hevur áður havt trupulleikar við rúsevnismisnýtslu og hevur m.a. roynt at verið á avvenjing.

Hvør hevur ikki sæð Hoffman upptraðka í filmum sum "The Hunger Games", "Mission Impossible III" og "The Big Lebowski"? Hann vann eina Oscar-virðisløn í 2005 fyri bestu mannligu høvuðsrolluna í filminum "Capote".