Íslendingar øktan áhuga fyri makreli í Grønlandi

Íslendingar øktan áhuga fyri makreli í Grønlandi
Íslendsk reiðarí hava sett pengar í reiðarí í Grønlandi, og skip eru seld úr Íslandi til Grønlands
 
20.02.2014 - 09:48

Í Íslandi er stórur áhugi fyri at fiska makrel í grønlendskum sjógvi í ár. Landsstýrið í Grønlandi sigur, at skulu øll sleppa at fiska, sum hava søkt um tað, verður neyðugt at fimmfalda kvotuna, so hon verður 288.000 tons.

Millum skipini, sum eru seld til Grønlands, er Skálaberg, sum varð seldur til Argentina úr Føroyum fyri nøkrum árum síðani. Skálaberg varð síðani keyptur til Íslands, men fekk eingi fiskirættindi har.

Nú skal hann so fiska makrel við Grønland fyri Arctic Prime Productions, sum íslendska felagið Brim eigur í, veit íslendska kringvarpið at siga.

Íslendsk reiðarí fara til Grønlands fyri at fáa lut í makrelinum har og eisini fyri at útvega sær royndir og rættindi, sum kunnu vera hent at hava, tá kvotan skal býtast.

Í Grønlandi er einki virki, sum tekur móti uppsjóvarfiski. Har hava verið móttøkuskip úr Kina, men íslendsku skipini, sum eru seld til Grønlands at fiska makrel, landa í Íslandi.

Landsstýrið í Føroyum hevur ikki viljað loyvt føroyskum skipum at fiska makrel við Eystur-Grønland.

Er kopiera
Nýggjastu sendingar í ÚV
Sunnudag 5. apríl
Várkonsert 2026 (1:2)
206039
Sunnudag 5. apríl
Bolero
206626
Sunnudag 5. apríl
Gudstænasta í Glyrva kirkju
206625
Leygardag 4. apríl
PLÁTUPANELIÐ #39 (1977)
206615
Nýggjastu sendingar í SV
Sunnudag 5. apríl
Gudstænasta úr Glyvra kirkju
206624
Fríggjadag 3. apríl
KAKUMiKS 2 (3:7)
206554
Fríggjadag 3. apríl
Guðstænasta úr Hoyvíkar kirkju
206597