Fólkapensjónistar fáa ikki meiri pening

4.500 fólkapensjónistar fáa ikki fleiri pengar nú í februar.

Samgongan tekur ikki undir við uppskotinum hjá Javnaðarflokkinum og Tjóðveldi um at geva teimum, sum bara hava fólkapensjón og Samhaldsfasta at liva av, nakrar krónur afturat um mánaðin. 

Landsstýrið áseta fátækramark

Ikki tí, samgongan unnir fólkapensjónistum fleiri pengar. Men landsstýrið skal hava frið at áseta fátækramarkið fyrst, áðrenn nakað verður gjørt við fólkapensjónina. Tí metir samgongan seg ikki kunna atkvøða fyri einum andstøðuuppskoti.

Giftir fólkapensjónistar skuldu fáa 250 kr. og stakir 350 kr. meira um mánaðin frá februar í ár at rokna sambært uppskotinum hjá Tjóðveldi og Javnaðarflokkinum.

Uppskotið hevði kostað landskassanum 17-18 mió. kr. um áriðTrivnaðarnevndin hevði uppskotið í næstan tríggjar mánaðir, áðrenn álitið kom frá nevndini týsdagin.