Eyðgunn Samuelsen nýggjur løgtingsgrannskoðari

Eyðgunn Samuelsen í Javnaðarflokkinum er nú løgtingsgrannskoðari.

Hon varð vald á tingfundinum, sum byrjaði klokkan 11.00 fyrrapartin.

Kristin Michelsen í Javnaðarflokkinum bað um at sleppa frá sum løgtingsgrannskoðari.

Løgtingsgrannskoðarnir fara gjøgnum árliga landskassaroknskapin og aðrar almennar roknskapir og ansa eftir, at allar inntøkur eru settar í roknskapin, og at eingin útreiðsla er goldin uttan heimild í fíggjarlógini ella aðrari játtanarlóg. 
Løgtingsgrannskoðarnir leggja roknskapirnar við sínum viðmerkingum fyri løgtingið til samtyktar. 
Reimund Langgaard, Høgni Hoydal, Joen Magnus Rasmussen og Eyðgunn Samuelsen eru nú løgtingsgrannskoðarar.