Útbúgving sum spunasmiður

Universitetið í Roskilde hevur gjørt sína egnu kandidatútbúgving innan hetta økið.

- Tað er ikki tí, at vit hava vánaligar politiskar ráðgevar í dag. Men eg haldi, at vit kunnu veita komandi politiskum ráðgevum eitt betri útgangsstøði, sigur Bodil Damgaard, lektari og lestrarvegleigari á Roskilde Universiteti ella RUC, sum tað eisini eitur.

Bodil Damgaard sigur, at útbúgvingin er vælegnað til onnur enn bara tey, sum droyma um at gerast spunasmiðir ella politiskir ráðgevar.

- Bæði embætisverk og fyrisitingar hava tørv á kandidatum, sum ikki bara skulu vita nógv um málsviðgerð. Tey skulu eisini kunna flyta seg, sigur Bodil Damgaard við dr.dk.

Útbúgvingin fær heitið Public Administration and politics - Almenn fyrisiting og politikkur. Freistin at søkja inn á nýggju útbúgvingina á RUC er 1. apríl.