- Tíðindi, mentan og ítróttur
Fýra kommunur halda ikki ætlanina um frárensluvatn
![](https://kvf.fo/sites/default/files/styles/grein-ovasta-mynd/public/8e13e673d9d22876250544bd21f0b330.png?itok=ooibTk53)
<div>Men í fleiri kommunum vilja ganga nógv ár aftaná 2015 áðrenn teirra ætlan er komin uppá pláss. Runavík roknar ikki við at kunna hava sína ætlan klára fyrrenn í 2030.</div><div><br></div><div>Men Eysturkommuna hevur nú fingið góðkent sína frárensluvatnætlan. Nú hava 21 av teimum 30 kommununum góðkenda ætlan um, hvussu sleppast skal av við skitið vatn, upplýsir Umhvørvisstovan.</div><div><br></div><div>Fýra ætlanir eru enn til viðgerðar. Hetta er ætlanirnar hjá Fuglafirði, Sørvági, Tórshavnar kommunu og Vága kommunu.</div><div><br></div><div>Klaksvík, Sandur, Sunda kommuna og Runavík hava eisini latið inn sínar ætlanir til góðkenningar, men Umhvørvisstovan kann ikki góðkenna tær. </div><div><br></div><div>Orsøkin er, at ætlanirnar ikki lúka treytirnar í kunngerðini, tí sambært ætlanunum vera viðurskiftini í hesum kommunum ikki komin í rætt lag fyri 1.januar 2015, sum er freistin í kunngerðini.</div><div><br></div><div>Kommunurnar siga, at tær megna ikki fíggjarliga at vera lidnar fyri 2015.</div><div><br></div><div>Sambært ætlanunum verður Sunda kommuna liðug í 2015, Klaksvíkar kommuna fyri 2020, Sands kommuna fyri 2025 og Runavíkar kommuna fyri 2030.</div><div><br></div><div>Ein kommuna hevur enn ikki latið sína frárenlsuvatnætlan. Tað er Skopunar kommuna, sum væntandi letur Umhvørvisstovuni ætlanina fyrst í komandi ári, skrivar Umhvørvisstovan.</div><div><br></div>