- Tíðindi, mentan og ítróttur
Ákæruvaldið vil hava Breivik dømdan í viðgerð
<p>Norska ákæruvaldið vil hava hópdrápsmannin, Anders Behring Breivik, dømdan í viðgerð. </p><div>Ákæruvaldið ivast í, um Breivik var við sítt fulla skil, tá hann framdi hópdrápini. Tí eigur hann ikki at verða dømdur fongsulsrevsing, men í psykiatriska viðgerð. </div><div><br></div><div>Dómsviðgerðin í rættarmálinum móti Breivik byrjaði í rættinum í Oslo í dag. </div><div><br></div><div>- Vit eru ikki sannførd um, at Breivik er rættsiktaður, men vit ivast. Tí krevja vit, at hann fær viðgerðardóm, sigur ákærin, Svein Holden. </div><div><br></div><div>Rætturin hevur fingið tvær mótstríðandi serfrøðingakanningar av Breivik, men hvørgin hevur sannført ákæruvaldið. </div><div><br></div><div>Anders Behring Breivik hevur viðgingið, at hann drap 77 fólk í Oslo og á Utøya 22. juli í fjør. Breivik hevur sagt, at hann framdi hópdrápini í neyðverju, og at hann tí eigur at verða fríkendur. </div><div><br></div><div><br></div>
