Meta av Fløtum økisleiðari í Suðurstreymi

Meta av Fløtum er sett sum økisleiðari fyri heimarøktina í Suðurstreymi. Talan er um fyribilsstarv, skrivar in.fo.

Meta av Fløtum er útbúgvin sjúkrarøktarfrøðingur, og hevur eisini leiðsluútbúgving. Hon hevur drúgvar royndir sum leiðari innan eldraøkið, og hevur verið leiðari á Lágargarði seinastu sjey árini.

Frammanundan var Meta av Fløtum varaleiðari fyri Suðurstreymoyarøkið í fýra ár, og síðan økisleiðari í eitt ár.

Meta av Fløtum verður verandi í leiðsluni á Lágargarði, og byrjar í nýggja starvinum 1. juli.