- Tíðindi, mentan og ítróttur
Smáu feløgini eins stóra ávirkan á felagið
<p>Bæði stór og smá feløg skulu hava javnbjóðis rætt í Havbúnaðarfelagnum.</p><div><br></div><div>Tað er ið hvussu er endamálið við lógarbroytingini, sum varð gjørd á eykaaðalfundinum í Havbúnaðarfelagnum fríggjadagin. Broytingin skal forða fyri, at eitt stórt felag ikki hevur allan avgerðarrættin, men at smá feløg hava eins stóra ávirkan og stór feløg í nevndararbeiðnum.</div><div><br></div><div>Í framtíðini verða limirnir kortini flokkaðir í tvey. A-limir eru teir, ið ala fisk til matna, meðan feløg, ið hava eitt ávíst tilknýti til alivinnuna, eru B-limir.</div><div><br></div><div><b>Nevndarval</b></div><div><br></div><div>Á eykaaðalfundinum var eisini nevndarval. Hans Jákup Mikkelsen, ið er nýggjur stjóri í Marine Harvest í Føroyum, hevur fingið fast sæti í nevndini fyri Ragnar Joensen. Regin Jacobsen, stjóri á Bakkafrosti, stóð fyri vali, og hann varð afturvaldur. </div><div><br></div><div>Nevndin hevur skipað seg við trimum nevndarlimum, men ongum formanni. Teir eru Regin Jacobsen, Atli Gregersen og Hans Jákup Mikkelsen. Varalimur er Odd Eliasen. </div>
