Juni mánaði met heitur kring allan heimin

Juni mánaði í ár gjørdist heitasti mánaði í heiminum, síðani mátingarnar byrjaðu í 1880. Tað siga amerikanski veðurserfrøðingar.

Miðalhitin yvir landi og havi saman var 16,22 stig. Hitin í juni var 0,72 stig heitari enn miðalhitin var fyri juni í farnu øld. Sostatt er metið frá juni 2010 farið í søguna.

Amerikonsku serfrøðingarnir siga, at tað í ár hevur verið heitari í flestu heimspørtum í heiminum. Serliga heitt var í landsynningspartinum av Grønlandi, í norðara parti av Suður Amerika og í Eystur og Mið Afrika.