Játtanin til FAME strikað

FAME-samstarvið (Faroe Islands Agency for Music Export) skal fáa føroyskan tónleik út í heim - og tað gera tey við at fáa fólk í tónleikavinnuni uttan fyri Føroyar og útlendsk fjølmiðlafólk til Føroya á G! Festival. 

FAME er trýpartasamstarv millum G!, Uttanlandsdeildina hjá Løgmansskrivstovuni og útgávufelagið Tutl. G! og Uttanlandsdeildin hjá Løgmansskrivstovuni byrjaðu at samstarva um at bjóða eitt nú journalistum og fólki í tónleikavinnuni uttanfyri Føroya á G! Festival í 2006. Í 2012 gjørdist TUTL partur av samstarvinum og FAME var stovnað. 

Nú vit skriva 2014 er játtanin til FAME næsta ár strikað, upplýsir Gunnar Holm-Jacobsen, deildarstjóri á Løgmansskrivstovuni.