"MíttLand" í Keypmannahavn um vikuskiftið

Fríggjadagin fer føroyski tónleikafestivalurin "MíttLand" av bakkastokki í Keypmannahavn. Fyrireikingarnar líða væl og fríggjakvøldið kl. 17.30 letur festivaløkið upp á Femøren á Amager Strond. Hetta er aðru ferð at skipað verður fyri tiltakinum MíttLand, sum fyrstu ferð varð hildið í fjør. Í mun til tann eina festivaldagin í fjør, fevnir festivalurin í ár um heilar tveir dagar.

Á skránni eru ymisk føroysk tónleikanøvn at finna, harímillum bæði Swangah og Halleluja Sofus. Veðurforsøgnirnar boða frá góðum veðrið um vikuskifti, so lagt er upp til ein turran og sólríkan festival.

Roddin verður á staðnum og tilfar verður lagt út á heimasíðuna so hvørt, soleiðis at til ber at fylgja við tiltakinum - bæði filmsbrot, greinar og myndarøðir.