- Tíðindi, mentan og ítróttur
Bosnia minnist borgarakríggið
<div>Íbúgvarnir í Bosnia halda í dag minningarhald í samband við, at tað eru 20 ár síðani at borgarakríggið byrjaði.</div><div><br></div><div>Høvuðshaldið verður í høvuðstaðnum Sarajevo, har íbúgvarnir hava sett 11,541 reyðar stólar á gøtuna, har stríðið byrjaði - ein stólur fyri hvønn íbúgva, sum doyði í býnum tey trý árini og átta mánaðirnar, ið Sarajevo var kringsettur.</div><div><br></div><div>Samstundis vóru íbúgvarnir í Sarajevo bidnir um at steðga øllum virksemi í ein tíma á døgurða fyri sum ein partur av minningarhaldinum.-</div><div><br></div><div>Borgarakríggið byrjaði í apríl 1992, tá Jugoslavia varð í upploysn.</div><div><br></div><div>Áleið 100.000 fólk lótu lív og næstan helvtin av fólkatalinum noyddist at rýma hesi fýra árini, ið borgarakríggið vardi.</div>
