Skattaprosentið hækkar í Klaksvíkar kommunu

Jógvan Skorheim, borgarstjóri, sigur við in.fo, at neyðugt er at hækka skattaprosentið, tí nýggjur skúli skal byggjast.

Verkætlanin er 100 milliónir krónur, og skúlin tekur fýra ár at byggja.

Lækkað og hækkað

Skattaprosentið í Klaksvík er bæði hækkað og lækkað seinastu árini. Í 2010 hækkaði tað hálvt prosentstig fyri at fíggja røktarheimið. Í 2012 lækkaði tað aftur eitt hálvt prosent, og í fjør lækkaði tað 0,25 prosentstig. 

Næsta ár hækkar skattaprosentið aftur, og sambært uppskotinum um fíggjarætlanin væntar meirilutin í býráðnum at fáa 161,5 milliónir kr. í skatti í 2015. 36 milliónir kr. eru settur av til íløgur, og nýggi skúlin fer við bróðurpartinum.

At reka Klaksvíkar kommunu næsta ár verður mett at kosta 110 milliónir kr., góðar tvær mlliónir meiri enn í ár, skrivar in.fo