Skotar vaknaðu til eitt samlað Bretland

Í fylgi BBC atkvøddu 55,42% av veljarunum nei, meðan umleið 44,58% atkvøddu ja fyri loysing. Tað svarar til 1.914.187 veljarar sum atkvøða nei, og umleið 1.539.920 atkvøða ja. Harvið vinnur nei-síðan við meiri enn 10% á muni, hóast tað hevur verið næstan púra javnt á nei- og ja-síðuni, vikurnar upp til valið.

Veljaraluttøkan á valinum var uppi á 85%, sum er eitt sera høgt tal.

Alex Salmond tekur seg aftur

Forsætisráðharrin í Skotlandi, Alex Salmond, sum eisini var leiðarin av Ja-átakinum fyri skotskum sjálvstýri, hevur valt at fara frá, eftir at skotar atkvøddu nei til loysing. Hetta veit tíðindastovan Reuters at siga.

Alex Salmond góðtekur tapið hóast alt: "eg góðtaki dómin frá fólkinum, og mæli øllum Skotlandi til at gera tað sama."

Hvad hendir nú?

Hóast skotar hava sagt nei til sjálvstýri, eru teir frammanundan blivnir lovaðir meiri sjálvstýri á teirra egnu økjum. Stjórnin í London hevur lovað, at Edinburgh skal fáa umsjón av einum størri parti av skattinum, vælferðarskipanini og skotskari fígging.

Tó eru øll ikki eins glað við hetta valið:" Um sjálvstýrið hjá skotunum økist, so má restin av kongaríkinum eisini fáa betri sømdir." Hetta sigur Micheal Gove, floksformaðurin fyri Tey Konservativu.

Kelda: Politiken.dk, Information.dk