Tí er Donald Trump so valdsmikil

Nógv ræðast tankan um, at Donald Trump í november verður forseti í USA og harvið gerst tann, ið hevur mest vald í heiminum.

Her eru tríggjar grundleggjandi orsakir til, at Donald Trump hevur so góða undirtøku í USA.

Trump svarar altíð stutt og einfalt
Trump hevur karisma, sjálvsálit og eitt avgjørt yvirbrá. Hóast hann ikki altíð hevur rætt, so fær hann tað at ljóða, sum hevur hann rætt. Í politikki kann tað einfalda hava eins nógv at siga sum fakta. Eitt nú sigur hann: “If you don’t like immigration, build a wall”. Ein einføld og stutt útsøgn, sum nógvir amerikanarar tykjast vera samdir í. 

Nógvum dámar ikki innflytarar
Viðhaldsfólkini hjá Trump eru serliga hugtikin av hansara áskoðan á innflytarar. Serliga eru tað tey, ið eru fíggjarliga illa fyri, ið geva innflytarum skyldina fyri sína egnu fíggjarligu støðu, av tí at tey kappast um somu størvini.

Hann sigur tað, eingin torir at siga
Trump dugir væl at ignorera sínar feilir. Hann kemur ofta við faktuelt skeivum ella sera hjartaleysum staðfestingum, sum fyri eitt og hvørt valevni átti at havt álvarsligar avleiðingar fyri framtíðarútlitini.  
Eitt nú sigur hann, at mexikanarar eru neyðtøkufólk, og at túsundatals muslimar í New Jersey feiraðu 9/11.

Sambært veljarakanningum hava hansara viðmerkingar í roynd og veru ongar avleiðingar havt fyri hansara umdømi sum valevni.

Kelda: thewashingtonpost.com