- Tíðindi, mentan og ítróttur
Finst hvassliga at síni egnu samgongu
<div>Ein tann harðasta atfinningin móti samgonguni higartil kom seint í gjárkvøldið, ikki frá andstøðuni, men úr einum samgonguflokki.</div><div><br></div><div>Undir yvirskriftini "Ein himmalrópandi arrogansa" sendi Hallur av Rana, formaður í felagnum Ung fyri Miðflokkin, eitt lesarabræv til fjølmiðlarnar í gjárkvøldið.</div><div>Lesarabrævið er ein lemjandi atfinning at samgonguni, sum flokkurin hjá Halli av Rana er við í. </div><div><br></div><div>Hallur av Rana skrivar, at tað var við vantrúgv, at hann lurtaði eftir útvarpstíðindunum á middegi í gjár, tí samgongan ætlar at fella tvey frálík uppskot frá andstøðuni uttan nakra veruliga haldgóða orsøk. </div><div><br></div><div>Talan er um uppskotini um kostnaðarendurgjaldið hjá løgtingsfólkum og prísstigið í Føroyum. Støðan hjá meirilutanum í Fíggjarnevndini í fyrra málinum vitnar um eina himmalrópandi arrogansu, har tey fólkavaldu verða virðismett nógv hægri enn skattagjaldarin. Í hesum meirilutanum er Bill Justinussen í Miðflokkinum.</div><div><br></div><div>Í seinna málinum tykist støðan hjá meirilutanum í Vinnunevndini at vera talan um ráðarleysar politikarar, sum renna undan ábyrgd, skrivar Hallur av Rana. </div><div>Hann skrivar, at sjálvandi skal ein kanning gerast fyrst, soleiðis sum Javnaðarflokkurin skjýtur upp, áðrenn til ber at gera ítøkilig politisk tiltøk fyri at fáa prísirnar í Føroyum niður. </div><div><br></div>
