Møgulig loysn fyri vetrartunglyndi funnin

Danskir granskarar hava funnið møguliga frágreiðing, hví summi fólk líða av vetrartyngd.

Myrku árstíðirnar, heystið og veturin, eru fyri nøkur tað sama sum vetrartyngd. Nú hava danskir granskarar funnið eina mekanismu í heilanum, sum kann verða atvoldin. Tað skrivar BBC.com.

Mongdin av evninum, serotonin, sum er evnið ið gevur okkum kenslu av eydnusemi, kann, sambært granskarunum, hava stóran leiklut hjá fólki við vetrartyngd.

Heilaskanningar av 11 fólkum sum líða av vetrartyngd vístu, sambært bbc.com, at protein, sum transporterar serotonin, burturbeinir meira serotonin um veturin enn um summarið, samanborið við 23 frískar persónar.

Dagsljós hjálpir til at halda transportvirkseminum av serotonini-stigunum nátúrligt niðri, men tá ljósa tíðin hvørvur um heystið, økist transportvirksemið av serotonini, og úrslitið av tí er lægri nøgd av serotonini, sigur Brenda McMahon, sum er ph.d. á Neurobio-logisku granskingareindini á lærda háskúlanum í Keypmannahavn, við bbc.com.

Hon sigur, at frísk fólk hava ikki øktan transport av serotonini, og tað merkir, at persónurin hevur nóg mikið av serotonini allan veturin. 

Úrslitini verða løgd fram á neuro-psyko-farmakologi-ráðstevnu í Berlin seinni.

Les eisini grein í Røddini - Smíl til heimin, og heimurin smílist til tín