Siumut aftur størsti flokkur í Grønlandi

Siumut aftur størsti flokkur í Grønlandi
Nýggjasta veljarakanningin gevur Siumut 12 tingsessir og IA 11 sessir
Kim Kielsen er nýggjur formaður í Siumut, og er virkandi landsstýrisformaður í Grønlandi
 
26.11.2014 - 11:06

Siumut varðveitir støðu sína sum størsti flokkur í grønlendska landstinginum eftir valið fríggjadagin.

Tað vísir ein nýggj veljarakanning, sum dagblaðið AG hevur latið gera. 

Sambært kanningini fær Siumut 36,7 prosent av atkvøðunum, og IA, sum hevur ligið á odda í øðrum veljarakanningum, fær 34,5 prosent. 

Siumut fær sambært kanningini 12 tingsessir, tveir færri enn á seinasta vali. IA varðveitir sínar 11 tingsessir.

Smáu flokkarnir 

Kanningin í AG broytir ikki møguleikarnar hjá smærru flokkunum at fáa ávirkan, hvør kann skipa landsstýri eftir valið.

Demokratarnir fáa 11,2 prosent av atkvøðunum, og teir fara út tveimum upp í tríggjar tingsessir. Nýggi flokkurin hjá Hans Enoksen, fyrrverandi landsstýrisformanni, Partii Naleraq, fær 10,2 prosent og tríggjar sessir. Attasut fær seks prosent, og hóast afturgongdin er 2,2 prosentstig, varðveitir flokkurin báðar sínar tingsessir.

Parti Inuit røkkur ikki upp um tinggáttina hesaferð. Flokkurin fær sambært kanningini 1,4 prosent av atkvøðunum. 

 

Er kopiera
Nýggjastu sendingar í ÚV
Fríggjadag 28. februar
Vikuskiftið 28 februar 2025
188454
Fríggjadag 28. februar
Breddin: Politiska støðan og snús
188439
Fríggjadag 28. februar
Morgunlestur fríggjadagur 28. februar 2025
187868
Hósdag 27. februar
Andarblak 27. februar 2024
188393
Nýggjastu sendingar í SV
Fríggjadag 28. februar
Veðrið
188455
Fríggjadag 28. februar
Dagur og vika - teknmálstulkað
188428
Fríggjadag 28. februar
Heim, kæra heim (3:3) - teknmálstulkað
188417
Hósdag 27. februar
Hvíta gullið
188389
Hósdag 27. februar
Heim, kæra heim (2:3) - teknmálstulkað
188381