Vilja hava mvg-eftirstøður at minka

<div>Løgtingsgrannskoðararnir staðfesta enn einaferð, at eftirstøðan av meirvirðisgjaldi bara veksur, og teir mæla staðiliga landsstýrismanninum í fíggjarmálum til at broyta lógina, so eftirstøðurnar minka.</div><div><br></div><div>Løgtingsgrannskoðararnir siga hetta í viðmerkingunum til landsroknskapin fyri 2010, sum teir annars biðja løgtingið um at góðkenna.</div><div><br></div><div>Løgtingsgrannskoðararnir undrast eisini á, at ikki ber til at gera skrivligar mannagongdir um, hvussu fiskiloyvi skulu umsitast, og teir ætla at kanna hetta gjøllari. &nbsp;</div><div><br></div><div>Landsstýrismaðurin í fiskivinnumálum hevur boðað frá, at Fiskimálaráðið kannar ikki, um eigara- &nbsp;og avgerðarviðurskiftini eru í samsvari við ásetingarnar í lógini um vinnuligan fiskiskap, tí málini eru so ymisk.</div><div><br></div><div>Løgtingsgrannskoðararnir átala og halda tað als ikki vera í lagi, at roknskaparreglugerðir ikki verða dagførdar.&nbsp;</div><div><br></div><div>Bara fáir stovnar hava gjørt váðameting, og reglurnar um kunningartrygd eru tí ikki hildnar.&nbsp;</div><div><br></div><div>Og hóast meira enn 15 ár eru liðin, síðani kravið um at skráseta almennar ognir kom í gildi, hava bara fáir stovnar dagført ognaryvirlit.</div><div><br></div><div><br></div><div><br></div><div><br></div>