Kanna møguleikan at lækka skúlaaldurin

<div>Mentamálaráðið fer nú at kanna spurningin, um føroysk børn skulu í skúla seks ára gomul.&nbsp;</div><div><br></div><div>Tað veit Skúlablaðið at siga.</div><div><br></div><div>Í samgonguskjalinum stendur, at spurningurin um at lækka undirvísingarskylduna til 6 ára aldur verður lýstur og í áliti, sum Fólkaskúlaráðið gjørdi seinasta summar, verður mælt til at lækka skúlaaldurin.</div><div><br></div><div>- Tað er umráðandi at fáa henda spurningina væl lýstan, áðrenn endaliga støðan verður tikin, sigur Bjørn Kalsø, landsstýrismaður, við Skúlablaðið.</div><div><br></div><div>Hann ásannar, at føroysk børn fara seinni í skúla, enn børnini í grannalondunum. Men áðrenn støða verður tikin, er umráðandi at fáa spurningin væl lýstan, heldur hann:</div><div><br></div><div>- Tað er umráðandi at hoyra allar partar, sum varða av børnum í hesum aldri, áðrenn stig verða tikin til at lækka skúlaaldurin, sigur landsstýrismaðurin, sum eisini heldur tað bera til at hyggja at royndunum hjá teimum trimum kommununum, sum longu hava sett forskúla á stovn.</div><div><br></div><div>Arbeiðsbólkur verður settur sum skjótast at lýsa spurningin um, nær undirvísingarskyldan skal byrja. Enn er arbeiðssetningurin ikki gjørdur.&nbsp;</div><div><br></div><div>Sambært Skúlablaðnum roknar landsstýrismaðurin við, at árið gongur, áðrenn útgreinandi arbeiðið er liðugt.&nbsp;</div><div><br></div>