Ógreitt hvussu torfør próvtøkan hjá grannskoðarunum verður

<div>Enn er ógreitt, hvussu torfør próvtøkan verður, sum fimm grannskoðarar í grannskoðaramálinum skulu taka fyri ikki missa sína løggilding.</div><div><br></div><div>Fyribils setti stjórin á Skráseting Føroya, Jákup Eyðfinn Kjærbo, staðfesti herfyri, at løggildingin verður tikin aftur frá fýra grannskoðarum alt fyri eitt. Haraftrat fingu fimm grannskoðarar boð um, at teir fingu eitt ár at standa próvtøkuna, sum krevst fyri at fáa løggildingina. Annars missa eisini teir løggildingina.</div><div><br></div><div>Sambært Jákupi Eyðfinni Kjærbo skulu grannskoðararnir til eina próvtøku, sum líkist teirri donsku próvtøkuni, ið fleiri føroyskir grannskoðarar higartil hava fingið løggilding eftir.&nbsp;</div><div><br></div><div>Sakførarin hjá grannskoðarunum, Christian Andreasen, heldur tað ikki vera neyðugt við eini so umfatandi próvtøku, og hevur kært avgerðina.</div><div><br></div><div>Í næstum verðum ein serlig próvtøkunevnd sett, sum ger av, hvat slag av próvtøku grannskoðararnir taka.</div><div><br></div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>