- Tíðindi, mentan og ítróttur
Norðurlond fingu fult í Qatar
Norðurlond fingu fult í Qatar
Danmark, Ísland og Svøríki, sum eru við til HM endaspælið í Qatar í hondbólti, vunnu greitt í kvøld
![](https://kvf.fo/sites/default/files/styles/grein-ovasta-mynd/public/249367d3e1dd079f1b02e3788b4a6049.png?itok=EJJsxUSl)
18.01.2015 - 19:28
Tey vunnu øll stórt og skoraðu øll omanfyri 30 mál.
Danmark fekk eina vánaliga byrjan fríggjakvøldið, tá teir spældu javnt móti Argentina. Men í kvøld vann Danmark heili 38-18 á Saudi Arabia, hálvleiksstøðan var 20-6.
Ísland, sum tapti fyri Svøríki fríggjakvøldið svaraði aftur í kvøld við einum 32-24 sigri á Algeria. Frá byrjan sá tað ikki út sum, at Ísland fór gera seg galdandi. Tí íslendingar vóru aftanfyri 6-0, men komu so aftur í dystinum. Hálvleiksstøðan var 13-12 til Algeria.
Svørríki er einasta av teimum norðurlendsku londunum, sum hingartil hevur fingið fult stigatal. Svøríki vann 35-21 á Kekkia í kvøld. Sigurin í kvøld og sigurin á Íslandi fríggjakvøldið ger at Svøríki hevur fýra stig.
Nýggjastu sendingar í ÚV
Nýggjastu sendingar í SV