40 heiðursmerki og 17 føroysk met

Føroysku svimjararnir hava verið við í Reykkjavíkarleikunum seinastu dagarnar. 

Tey svumu finalurnar fyrr í dag. Føroysku svimjararnir vunu tvey gull heiðursmerki, trý silvur og fimm bronsu heiðurmerki. Umframt hetta so vórðu tvey føroysk og tvey føroysk juniormet sett.


Kappingin eitur Reykjavik International Games 2015. Hon er skipað soleiðis at svimjararnir svimja fyri síni føroysku feløg og ikki fyri landsliðið.

Umframt Føroyar, so vóru Grønland, Danmark, Svøríki, Noreg og vertstjóðin Ísland.


Heimasíðan svimjing.com hevur fylgt væl við kappingini og hevur dagført eitt yvirlit yvir øll heiðursmerkini og metini. Tað kann síggjast her : http://www.svimjing.com/2015/01/17/story/foroysk-met-og-heidurmerki-a-rig-2015 


Jón Bjarnason, venjari hjá Susvim er sera errin av føroysku svimjarunum. Hann heldur at tað er ótrúligt at úrslitið varð so gott, hóast at vit ongan langhyl hava í føroyum. 
Hann leggur tó afturat, at hann gleðir seg um eitt barn á jólum eftir Pálhøll í Vági.