Semjast neyvan um 2015 í London í dag

Samráðingarnar í London millum strandarlondini um svartkjaftin og norðhavssildina í 2015 halda fram í dag.

Samráðingarnar byrjaðu týsdagin.

Spurningurin er, um londini gevast við royndini at finna semju fyri 2015, men í staðin fyri fara at hugsavna seg um 2016.

Noreg hækkaði kvotu

Tað gjørdi ikki samráðingarnar lættari, at Noreg beint fyri samráðingarnar legði 40 prosent oman á sína svartkjaftakvotu. 

Føroyar hava formansskapin í samráðingunum um svartkjaft og norðhavssild í 2015. 

Noreg hevur formansskapin í samráðingunum um norðhavssildina næsta ár og Ísland eigur svartkjaftin.

Vildu ikki koma til Føroya

Samráðingarnar eru í London, tí hvørki Ísland ella Noreg vildu koma til Føroya.

Jacob Vestergaard, landsstýrismaður, sigur, at nú Føroyar hava formansskapin, bjóðaðu Føroyar hinum londunum til Føroya at fundast nú í januar.

Hjá ES lá væl fyri at koma, men hvørki Ísland ella Noreg vildu koma til Føroya. Hjá teimum lá betur fyri at samráðast í London.