Nýggj fólk í nevndina í Atlantic Petroleum

Tað er ikki bara í BankNordik, at nýggj fólk koma í nevndina. Á aðalfundinum hjá Atlantic Petroleum tann 24. apríl verður skotið upp at velja tríggjar nýggjar nevndarlimir.

Teir eru Teitur Samuelsen, Jan Müller og norðmaðurin Knud Hans Nørve. Úr nevndini fara Birgir Durhuus, sum er formaður nú, og báðar kvinnurnar í nevndini, Barbara Yvonne Holm og Diana Leo. David MacFarlane og Jan Edin Evensen skulu afturveljast.

Á aðalfundinum verður skotið upp, at nevndarlimirnir í Atlantic Petroleum fáa 200.000 krónur í 2015, men formaðurin fær tó 400.000 krónur og næstformaðurin fær 300.000 krónur.