Tá myndin lýgur

Hóast flestu fólk vita, at myndir í mótabløðum verða eftirviðgjørdar, so gerast nógv allarhelst skelkað, tá tey síggja, júst hvussu nágreiniliga allir smálutir verða viðgjørdir.

Ein og hvør dugir at síggja, at ein mynd er eftirviðgjørd, tá ein armur knappliga manglar, ella tá húð sær út sum plastik. Men tá ið myndir eru væl eftirviðgjørdar, so leggja tey flestu ikki merki til tað. Myndin sær bara flott út.

Elizabeth Moss, ið millum annað hevur starvast fyri Vogue og Vanity Fair, hevur sett saman nøkur filmsbrot av arbeiði hennara, soleiðis at øll vit, sum forvitnast um, hvussu myndir verða snøggaðar, kunnu síggja, hvussu langt burtur frá upprunamyndini endaliga úrslitið er.

Her sært tú trý ymisk filmsbrot, har Moss hevur kroyst fleiri tímar av myndaeftirviðgerð saman til nakrar minuttir