RøddinLive fyri seinastu ferð á hesum sinni

RøddinLive hevur gjøgnum tíðina viðgjørt og varpað ljós á ymisk evnir. Sjálvsagt hava nakrar sendingar havt meira lurtarar enn aðrar. 

Í kvøld fer 1. og 2. mest lurtaða samrøða í luftina - og harafturat ein onnur, ið enn er aktuel.

Mest lurtaða sending er sendingin um sálarsjúku, har Randi Karlotsdóttir saman við pápa sínum greiðir frá, hvussu tað er at liva við sálarsjúku. 

Næst mest lurtaða sending er um rasismu, har eitt nú Durita Ana Aléjandra Granada greiðir frá sínum upplivingum viðvíðkjandi rasismu. 

Síðani verður samrøðan við Elisabeth Thomsen, har hon greiðir frá, hvussu tað er at vaksa upp í relativum fátækadømi.

Her er annars topp 10 listin við mest lurtaðu sendingum:

1. Tað hevði verið betri, um eg var deyð

2. Føroyingar við øðrum uppruna

3. Ungar mammur

4.  - Eg treivst ongantíð í skúlanum

5. Orðblindni

6. Eg vildi bara enda tað

7. Autisma

8. Fátækadømi í Føroyum

9. Er átrúnaður skaðaligur? 

10. Reiðrið (4. sending)

Hoyr seinastu sending hjá RøddinLive á hesum sinni í kvøld klokkan 19.00.