- Tíðindi, mentan og ítróttur
Ung í Arbeiði aftur á skránni í Havn
Ung í Arbeiði aftur á skránni í Havn
Nú er summarið í nánd og Ung í Arbeiði er aftur á skránni í Tórshavnar kommunu. Ung millum 14-16 ár fara at fríðka um kommununa.
Tórshavnar kommuna bjóðar aftur ungum fólki í kommunu arbeiðið í summar
Mynd: torshavn.fo
23.05.2015 - 11:12
Tey gera smáar umvælingar, so sum at lúka, sópa gøtur, mála, rudda og annað.
Arbeiðið er skipað soleiðis, at tey ungu sleppa til arbeiðis tvær vikur í part. Hatta svarar til 80 tímar. Fyrsta tíðarskeiðið er frá 29. juni til 10. juli, og seinna tíðarskeiðið er frá 13. juli til 24. juli.
Tilboðið er galdandi fyri ung, sum eru millum 14 og 16 ár. Í ár er kravið, at umsøkjarin er blivin 14 ár 29. juni, men ikki 17 ár 24. juli. Arbeiðsdagarnir eru 8 tímar frá kl. 8:00 til 16:00, fimm dagar um vikuna. Lønin er tann sáttmálaavtalaða tímalønin hjá Havnar Arbeiðsmannafelag.
Er kopiera
Nýggjastu sendingar í ÚV
Nýggjastu sendingar í SV
