Karin Kjølbro: - Vit fingu blómur og spark

Karin Kjølbro var gestur í útvarpsstovuni, í sambandi við, at tað í dag eru 100 ár liðin síðani kvinnur fingu grundlógartryggjaðan rætt at fara á val.

FAKTA:

Árið 1906

Fyrstu ferð kvinnur í Føroyum sluppu at atkvøða, var á fólkaatkvøðuni um rúsdrekka í 1906.

Árið 1915

Tær fingu valrætt til kommunuvalið í 1909, og til løgtingið í 1916.

Árið 1956

Sum tíðin leið, gjørdust kvinnur meira virknar í politikki, og í 1956 varð Malla Samuelsen vald í Tórshavnar Býráð á kvinnulista sum stillaði upp.

Hon var eisini fyrsta kvinnan sum sat í løgtinginum. Tað var í 1964, tá hon kom inn sum varalimur fyri Sjálvstýrisflokkin.

Árið 1978

Í 1978 vórðu fyrstu kvinnurnar valdar í løgtingið. Tær vóru Jona Henriksen í Javnaðarflokkinum (hon var varalimur 1975-78) og Karin Kjølbro í Tjóðveldisflokkinum. 

Árið 1985

Fyrsta kvinna í landsstýrinum var Jóngerð Purkhús, sum í 1985 varð tilnevnd landsstýriskvinna í fíggjar- og umhvørvismálum.

Árið 1993

Í 1993 fingu vit fyrsta og higartil einasta kvinnuliga løgmannin, Tað var Marita Petersen, sum var løgmaður frá januar 1993 til september 1994. Aftaná valið í 1994 varð Marita Petersen eisini sum fyrsta kvinnan vald sum løgtingsformaður.

Árið 1994

Ein kvinna í Føroyum er vald í Fólkatingið. Tað er Lisbeth L. Petersen, sum varð vald í 2001.