Jacob Vestergaard á fiskivinnufundi í Malta

Jacob Vestergaard, landsstýrismaður, er á fundinum fyri Føroyar.

Til viðgerðar er bláur og burðardyggur vøkstur, - tað er at fáa sum mest burtur úr sjónum á burðardyggan hátt.

Fundurin er í Malta, tí nýggi fiskivinnukommisserurin í ES, Karmenu Vella, er av Malta, og hann er vertur á fundinum.  

Áðrenn Jacob Vestergaard fór av landinum, ráðførdi hann seg við Uttanlandsnevndina hjá løgtinginum um føroysku svartkjaftakvotuna í ár.

Hann hevur fingið svar frá nevndini, men kvotan er ikki fráboðað enn.

Ráðførslan í Uttanlandsnevndini var í trúnaði, so formaðurin í nevndini, Jákup Mikkelsen, vil ikki siga, hvat hendi á fundinum við landsstýrismannin týsdagin.