Útnorðurráðið viðger málið við Nærabergi

Tað verður helst eisini innihaldið í einum úttalilsi, sum Útnorðurráðið kemur við seinni í dag, sigur Bill Justinussen, formaður í Útnorðurráðnum.

Henrik Old segði við útvarpið í gjár, at Útnorðurráðið eigur at samtykkja eina áheitan á íslendsku myndugleikarnar um at broyta lógina, sum fyrr í summar hevði við sær, at Næraberg hvørki slapp í íslendska havn eftir grønlendskari manning, ella at taka menninar umborð uttan fyri 12 fjórðinga íslendska fiskimarkið.

Eydnast tað ikki at ávirka íslendingar, eiga føroyingar at seta tiltøk í verk, heldur Henrik Old, løgtingsmaður.

Útnorðurráðið kemur helst við einum úttalilsi seinni í dag, sigur Bill Justinussen, sum heldur, at tað fær ávirkan á íslendsku myndugleikarnar.