- Gamla skipanin betri fyri fólkaræðið

Talið á teimum, ið stilla upp til løgtingsvalið, er minkað nógv síðani Føroyar gjørdust eitt valdømi í 2007.

Tá færri sleppa framat í flokkunum hendir ein professionalisering av politikaraleiklutinum, sum hevur við sær minni umboðan av fjøldini, og at færri fólk taka lut í politikki.

Tað heldur Beinta í Jákupsstovu, lektari og granskari á Fróðskaparsetri Føroya, og á Lærda Háskúlanum í Molde.

Hon heldur, at skipanin við sjey valdømum, har fólk eisinu vórðu uppstillað eftir nummarøð, var betri fyri fólkaræðið.