Árni Ellefsen gott boð upp á nýggjan stjóra

Árni Ellefsen, sum mikudagin gjørdist forstjóri í BankNordik fyribils, tí Janus Petersen varð koyrdur, er eitt gott boð upp á nýggjan forstjóra í bankanum.

Stine Bosse, forkvinna í nevndini í BankNordik, sigur við Berlingske Business, at tey nú fara at leita eftir forstjóra.

Men, sigur hon, Árni Ellefsen hevur ein góðan profil. Forstjórin skal sjálvandi kenna fíggjargeiran, men eisini hava antin beinleiðis ella óbeinleiðis tilknýti til Føroya.

Árni Ellefsen skal á vektina saman við øðrum, sum kunnu fáa starvið, sigur Stine Bosse.

Nýggjur stjóri num 2-3 mánaðir

Hon væntar, sambært Berlingske Business, at BankNordik hevur fingið nýggjan forstjóra um tveir-tríggjar mánaðir.

Í gjár væntaði FinansWatch, at Spar Nord í Ålborg hevur hug á donsku vinnulánunum hjá BankNordik, tey eru hálvonnur milliard krónur.

Sambært Belingske Business hevur Jyske Bank eisini áhuga fyri donsku vinnukundunum hjá BankNordik.