Volkswagen partabrøv rapa eftir ákærur um svik

Volkswagen kann fáa eina bót uppá umleið 120 milliardir, tí fyritøkan hevur svikað við tølum um útlát. Virðið á partabrøvunum er rapað

Partabrøvini í Volkswagen eru eftir fýra døgum minkað 20 prosent í virði, eftir at tað er komið fram, at bilframleiðarin tilætlað hevur svikað við tølum, ið vísa, hvussu nógv bilarnir dálka

Mynd: AP

Bjarni Mohr

22.09.2015 - 17:02

Virðið á partabrøvunum í Volkswagen er síðani fríggjadagin fallið við 20 prosentum. Tað er eisini tað lægsta, partabrøvini hava verið í umleið seks ár.

Tað hendir eftir at amerikansku umhvørvismyndugleikarnir hava ákært týska bilframleiðaran at hava svikað við forritinum, ið mátar útlátið frá VW-bilunum.

Partabrøvini í Volkswagen vóru fallin 13 prosent í virði, tá keypskálin í Frankfurt lat upp mánadagin, og virðið á partabrøvunum minkar framvegis.

Greinin heldur fram niðanfyri

.@Volkswagen scandal widens: -11 million cars affected -VW stock crashes -Cost: $7.3 billion http://t.co/VjPAp7oX9s pic.twitter.com/34QTV06Lvm
— CNNMoney (@CNNMoney) September 22, 2015

Amerikonsku umhvørvismyndugleikarnir hótta nú Volkswagen við ein bót uppá 18 milliardir dollarar, umleið 120 milliardir krónur, fyri umfatandi svikið.

Myndugleikarnir ákæra týska bilframleiðaran fyri tilætlað at hava svikað við tølunum í 11 milliónum bilum, so tølini, ið vísa hvussu bilarnir dálka, vóru penari enn veruleikin er.

Volkswagen hevur longu viðgingið, at fyritøkan hevur svikað við tølunum um útlát. Ein umfatandi kanning skal nú staðfesta, hvussu umfatandi svikið hevur verið.