Væntandi liðugt í 2017

Marknagilsdepilin verður nakrar mánaðir seinakaður, og allarhelst tikin í nýtslu eftir summarfrítíðina í 2017. 

Eisini er eitt umfatandi gerðarrættarmál millum byggiharra og arbeiðstakara áveg. Og tapir Landsverk tað málið, so verður neyðugt at fara í løgtingið eftir fleiri pengum til føroya størstu byggiverkætlan.  

Landsverk og TG Verk hava gjørt semju, sum skal tryggja, at arbeiðið í Marknagili ikki steðgar fullkomiliga upp. Partur av avtaluni millum Landsverk og TG Verk er, at øll krøv, sum partarnir hava móti hvørjum øðrum, verða løgd fyri ein gerðarrætt at taka støðu til. 

Sambært avtaluni rindar Landsverk 15 milliónir krónur til TG Verk beinanvegin. Eitt fyribils útlegg, sum Landsverk fer at krevja aftur í einum komandi gerðarrættarmáli.

Samlaða játtanin til Marknagilsdepilin er 515 mió kr, innbúgv íroknað.