Hann bleiv 69 ár: David Bowie deyður

David Bowie, ein tann mætasti tónleikarin í nýggjari tíð, er farin, 69 ára gamal. Tað kunngjørdi fyriskiparin hjá honum í morgun á Facebook og Twitter.

Greinin heldur fram niðanfyri

Hann doyði bara fáar dagar eftir at nýggjasta fløga hansara, Blackstar, kom í sølubúðirnar. Ein fløga, ið tónleikakennarar um allan heim fagna stórliga.

David Bowie var ein av teimum mest fagnaðu popp- og rokktónleikarunum í nýggjari tíð, og hann hevur sett sín dám á tónleikapallin síðan fyrstu útgávuna í 1967.

Bowie breyt ígjøgnum í 1969 við plátuni Space Oddity, ið varð so mikið nógv seld, at hon streyk uppá tónatindarnar. Millum kendastu sangirnar er Let's Dance frá 1983.

Greinin heldur fram niðanfyri

Um allan heimin syrgja fólk deyða Davids Bowie. Eisini á sosialu miðlunum, har bretski forsætisráðharrin, David Cameron, hevur víst sína samkenslu á Twitter.

Greinin heldur fram niðanfyri

New div after blockquote

I grew up listening to and watching the pop genius David Bowie. He was a master of re-invention, who kept getting it right. A huge loss.

— David Cameron (@David_Cameron) January 11, 2016

Sonur David Bowie, filmsframleiðarin Duncan Jones, hevur eisini váttað tíðindini, og legði í morgun eina mynd av sær og pápanum, David Bowie, á netið.

Greinin heldur fram niðanfyri

New div after blockquote

Very sorry and sad to say it's true. I'll be offline for a while. Love to all. pic.twitter.com/Kh2fq3tf9m

— Duncan Jones (@ManMadeMoon) January 11, 2016

David Bowie hevði stríðst móti krabbameini seinastu 18 mánaðirnar, stendur á almenna facebookvanganum hjá David Bowie, nú hann andaðist, 69 ára gamal.

Seinasta konsertin við David Bowie var í 2006. Í fjør róði bretska blaðið, The Telegraph, framundir, at David Bowie kanska fór at spæla á Glastonbury-festivalinum í summar.