Skotvápn skulu nú skrásetast

Tann fyrsta kunngerðin sigur, at fyri 1. januar næsta ár eiga øll skotvápn í Føroyum at vera skrásett. Sambært uppskotinum eiga øll, sum hava skotvápn, at fáa tey skrásett.

Tað áliggur teimum, sum selja byrsur, at fáa tær skrásettar í navninum hjá keyparanum. Løgmaður hevur sent uppskotið um kunngerðina til hoyringar. Hoyringarfreistin er til 19. februar.

SÍ EISINI Vápnalógin verður broytt

Sambært vápnalógini, sum Løgtingið í fjør samtykti at herða, kunnu fólk, sum hava ólóglig skotvápn, lata fútanum tey í seinasta lagi 30. juni í ár uttan at verða revsað fyri at hava ólóglig vápn.

Byrsur, sum vera mettar at hava mentanarsøguligan týdning, kunnu í samráði við fútan latast Søvnum landins.