Bæði fyrimunir og vansar í broytingaruppskoti

Bæði fyrimunir og vansar í broytingaruppskoti
Handilsvinnufelagið sær bæði fyrimunir og vansar í ætlaðu broytingini í matvørulógini. Fyri onkran kann tað hava fíggjarligar avleiðingar
 
15.02.2016 - 08:54

Løggild matvøruvirki fara at selja minni. Men matvøruhandlarnir fara at hava fleiri vørur at selja. Galdandi matvørulóg ger, at matvørutrygdin er í hásæti. Tey, sum keypa í handlum, vita, at vøran kemur frá løggildum virki.

Handilsvinnufelagið sær bæði fyrimunir og vansar í ætlaðu broytingini í matvørulógini. Broytingin skal loyva handlum at selja siðbundan føroyskan mat, sum ikki er gjørdur á løggildum virki.

Talan er um vørur úr seyðakjøti og neytakjøti. Verður uppskotið samtykt, fer matvørutrygdin í handlunum at valdast alt eftir, hvørjum framleiðara handilin keypir frá, sigur Handilsvinnufelagið.

Vøran skal merkjast væl

Felagið mælir til, at vøran eigur at vera merkt, so fólk vita, um vøran, tey ætla at keypa, kemur frá løggildum framleiðara ella er heimaframleiðsla.

Tað hevur eisini stóran týdning, at kundin veit, at tann, sum ger vøruna, hevur ábyrgdina av, at vøran er í lagi.

Handilsvinnufelagið fegnast um, at matvøruhandlar fara at kunna selja fleiri siðbundnar føroyskar vørur og keypa frá fleiri veitarum.

Kunnu missa sølu

Men fyri virki, sum hava innrættað seg eftir galdandi lóg, fer uppskotið, eins og sagt verður í viðmerkingunum um lógaruppskotið, at hava fíggjarligar avleiðingar.

Løggildu virkini kunnu missa sølu, tá onnur sleppa fram at marknaðinum. Tað kann verða óheppið fyri vinnuna.

Og tá nú matvørulógin skal gerast linari, heldur Handilsvinnufelagið, at hon skal galda fyri allar kjøtvørur, ikki bara vørur úr seyðakjøti og neytakjøti.

Er kopiera
Nýggjastu sendingar í ÚV
Fríggjadag 23. mai
Vikuskiftið 23 mei 2025
192308
Fríggjadag 23. mai
RagnarRokk: Mr.Lordi um Limited Deadition
192292
Fríggjadag 23. mai
Morgunlestur fríggjadagur 23.mai 2025
192149
Hósdag 22. mai
RagnarRokk 22.mai 2025
191036
Nýggjastu sendingar í SV
Fríggjadag 23. mai
Veðrið
192307
Fríggjadag 23. mai
Dagur og vika - teknmálstulkað
192266
Mikudag 21. mai
Eftir Vørðunum - teknmálstulkað
192195
Mikudag 21. mai
KAKUMiKS (2:7) - teknmálstulkað
192190
Mikudag 21. mai
Dagur og vika - teknmálstulkað
192158