Bíða við kæru um landsstýriskvinnuna

Orsøkin er, at ein kæra er farin til Løgtingsins Umboðsmann um, at Fíggjarmálaráðið ikki vil lata innlit í skjølini í Eik-málinum.

Ein borgari kærdi handfaringina hjá Kristinu Háfoss av skattamálinum hjá Eik til Landsstýrismálanevndina.

SÍ EISINI Viðgera kæruna í dag

Nevndin hevði fund í dag, og formaðurin í landsstýrismálanevndini, Bárður Kass Nielsen, sigur, at tey bíða við at viðgera kæruna.

Tað verður gjørt til Løgtingsins Umboðsmaður verður liðugur at viðgera kæruna um Fíggjarmálaráðið og innlitsumbønirnar.

Løgtinsins Umboðsmaður miðar eftir at vera liðug at viðgera kæruna um Fíggjarmálaráðið um hálvan apríl.