Stórur munur á tilboðum at byggja Skansabryggjuna

Slakar 387 milliónir krónur var bíligsta tilboðið  at byggja Skansbryggjuna í Havn. Dýrasta tilboðið var slakar 800 milliónir kr.

Tórshavnar kommuna læt tilboðini upp í gjár. Fimm tilboð komu inn.

J&K Petersen hevði lægsta tilboð, sum var slakar 387 milliónir krónur. Dýrasta tilboðið var slakar 800 milliónir. Tað var frá TG og Suðurverki, sum bjóðaðu saman. 

Tórshavnar Havn kannar tilboðini

Grót, sum verður keypt frá Búnaðarstovuni, skal leggjast afturat byggikostnaðinum, og útreiðslur eru eisini til verkætlan, eftirlit og trygging. 

Seinasta stóra havnarútbyggingin í Havn var liðug í 1997, tá ið uttasti parturin av Molanum varð breiðkaður. 

Tórshavnar havn fer nú at kanna tilboðini saman við ráðgevanum, LBF. Síðani verður málið fyrireikað til politiska viðgerð.