Minni av botnfiski verður landaður

Tøl, sum Hagstovan kunngjørdi týsdagin, staðfesta, at meira var at fáa undir Føroyum fyrr.

Í fyrsta ársfjórðingi í ár vórðu góð 13.000 tons av botnfiski, so sum toski, hýsu og upsa, løgd upp á land í Føroyum. Í 2007 vóru tonsini knappliga 28.000. Og í ár er toskurin av Flemish Cap við í talinum.

Stóra minkingin er í upsa og hýsu, næstan tríggjar ferðir meiri upsi var í 2007 og næstan fýra ferðir meiri hýsa.