Kappingin harðnar

Landskappingin í fótbólti letur til at gerast sera jøvn og spennandi í ár. Eftir átta dystir eru bert seks stig millum nummar eitt og nummar seks í Effodeildini. Tvey lið hava 17 stig á fremstaplássi, men B36 hevur betri málmun enn HB, og ÍF hevur 11 stig á sætta plássi.

Áttanda umfar

B36 legði seg á odda í Gundadali við máli frá Hørði Askham. Síðani javnaði Øssur Dalbúð fyri HB, og lítla løtu seinni økti Teit Jacobsen til 1-2 til HB. Í seinna hálvleiki kom Høgni Eysturoy á vøllin fyri B36, og hann skoraði tvey skjót mál fyri B36 til endaliga úrslitið 3-2 til B36. 

Í Gøtu vann KÍ 0-2 á Víkingi við tveimum málum frá Jóannes Bjartalíð, meðan AB og Skála spældu javnt 0-0 á Argjum. B68 og ÍF spældu á Svangaskarði, og har vann ÍF 2-1. B68 legði seg odda við máli frá Michal Przbylski. Adishina Lawal javnaði fyri ÍF, og Bogi R. Petersen skoraði seinna málið fyri fuglfirðingar. 

Fimti dysturin hetta umfarið, varð spældur í gjár, og hann endaði við 2-1 sigri til TB á NSÍ.

Støðan í Effodeildini, nú øll liðini hava spælt átta dystir: