Føroyski lottovinnarin er funnin

- Seinnapartin í gjár gjørdi vinnarin vart við seg. Vit mangla enn at fáa onkur formell viðurskifti í rættlag, men jú, vit kunnu siga, at føroyski lottovinnarin er funnin.

Tað sigur Marie Vestergaard, sum er kunningarleiðari á donsku spælifyritøkuni, Danske Spil.

- Um vikuskiftið frættu vit, at ein persónur, sum hevði keypt lotto seðil í Føroyum, hevði vunnið ikki færri enn 27 milliónir krónur.

Men trupulleikin var tann, at viðkomandi visti kanska ikki av, at hann var blivin millionerur, tí hjá spælifyritøkuni Danske Spil, høvdu tey einki frætt frá hepna vinnaranum.

Og so fór eitt slag av eftirlýsing í gongd í føroysku miðlunum, og tað hevur fingið føroyska millionerin at gera vart við seg.

Í morgunsendingini fortaldi Marie Vestergaard, hvat nú fer at henda hjá føroyinginum, sum nú er blivin 27 milliónir krónur ríkari.