Hallur Hansson í Superliguni

Føroyski landsliðsspælarin, Hallur Hansson, hevur í dag skift felag.

Horsens folkeblad veit at siga, at hann hevur skrivað sáttmála við AC Horsens. 

AC Horsens endaði á triðja plássi í donsku 1.division, og tað tryggjaði teimum uppflyting í Superliguna.

Hallur Hansson hevur annars síðan 2014 umboðað Vendsyssel, sum spælir í næstbestu donsku deildini.

Har spældi hann 44 dystir og skoraði fimm mál.

Sáttmálin millum Hallur Hansson og AC Horsens er galdandi í hálvt triðja ár.